15.4.2020 |
Góðu foreldur í 1., 2. og 3. flokki
1.-3. flokkur byrja aftur í skúla mánadagin 20. apríl.
Skúladagurin verður frá kl. 08.00 – 12.00.
1. flokkur verður í Miðvági
2. flokkur í niðaru hædd í skúlanum á Giljanesi
3. flokkur í bygninginum við høllina á Giljanesi.
Allir flokkar verða býttir í smærri bólkar, so tilmælini um frástøðu verða hildin.
Fyri at minka um smittuvanda, er avmarkað pláss í skúlabussinum. Tí verður heitt á foreldur/avvarðandi, sum hava møguleika til tað, um at koyra børn síni til og frá skúla.
Skúlabussurin kemur at koyra tey børn, ið hava tørv á tí.
Heitt verður tí á øll foreldur hjá børnum, ið fara í skúla frá mánadegnum, um at boða frá, um barnið skal koyra við bussinum ella ikki. Send teldupost til sag@skulin.fo við navni á barninum, flokki og um barnið skal koyra við bussinum ella ikki.
Vinarliga boða frá í seinasta lagi hósdagin 16. apríl. kl. 13.00
Heilsan
Leiðslan