29.11.2020 |
First Lego League liðugt
So er finalan í First Lego League Skandinavia liðug. Meme Team kom í fjórðingsfinaluna, men var óheppið og fekk 10 stig færri enn mótstøðuliðið (350-360).
Innleiðandi var støðan henda: First Lego League-vinnarin hevði 420 stig, vinnarin av robottkappingini hevði 405 stig, meðan Meme Team hevði 440 stig. Meme Team fekk flest stig í kappingini. Meme Team var nominerað til 1. plássið saman við 4 øðrum.
Eisini vann Meme Team 3. virðisløn í verkætlanini, ið er ein app, ið hevur sum endamál at fáa børn út at spæla tey gomlu spølini, ið vit eldru kenna so væl.
Vegleiðarar hava verið Jeffri Jørgensen, Petur á Geilini, Tór-Ingar Akselsen og Tórhallur Simonsen.
Hjartaliga til lukku Meme Team.