Á Giljanesi 2
FO 360 Sandavágur

Tel:

34 44 24

Fart:

79 44 24

 

Lærarastovan á Giljanesi:

34 44 21
Fundarhølið á Giljanesi:
34 44 22

Lærarastovan í Miðvági:
34 44 23
Húsavørðurin:
79 44 20
Teldupostur:
sag@skulin.fo






























admin    

Trivnaðarætlan fyri Skúlan á Giljanesi

Dagførd 03/11-2017

 

Góður trivnaður er grundleggjandi fortreyt fyri menning og læru.

Á skúlanum á Giljanesi ynskja vit at hava eitt trygt umhvørvi, har allir næmingar trívast og mennast.

Tað áliggur okkum øllum at tryggja og virka fyri einum góðum og tryggum umhvørvi í skúlanum. 

 

Leiðslan: 

hevur endaligu ábyrgdina av, at skúlin áhaldandi hevur eitt virkið trivnaðararbeiði

tryggjar, at karmarnir viðvíkjandi ábyrgd og uppgávum eru greiðir

endurskoðar trivnaðararbeiðið eftir tørvi.

Skipar á hvørjum ári saman við Førleikastovuna felags fund, sum hevur til endamáls at viðgera trivnaðararbeiði á skúlanum

tryggjar, at øll starvsfólk skúlans eru væl kunnaði um trivnaðararbeiði

 

Flokslærarin: 

hevur ábyrgdina av trivnaðararbeiðinum í sínum flokki

skipar samskiftið millum heim og skúla 

hevur floksfund og næmingasamrøður

viðgerð ætlanir um trivnað á fyrsta felags foreldrafundi eftir summarferiuna.

 

Lærarin og onnur starvsfólk skúlans:

eru sjónlig vaksin og góðar fyrimyndir

vísa virðing og krevja at verða vird 

síggja og virða foreldur sum samstarvsfelagar , soleiðis at vit draga somu línu

fylgja við trivnaðinum hjá næminginum

 

Næmingurin:

dugur at verða saman við øðrum og at vísa fyrilit

sýnir fólkaligan og høviðskan atburð

møtur til tíðina og er fyrireikaður

hevur bøkur, amboð og matpakka við

 

Foreldur og verjar:

verða fyrimyndir og stuðla barninum í arbeiðinum

vísa virðing fyri arbeiði og arbeiðstíð næmingsins og siga frá, um næmingurin ikki er í skúla.

tryggja, at barnið møtir væl fyrireikað og til tíðina

samstarva við skúlan um reglugerðir og átøk í skúlanum, so barnið skilir, at vit draga somu línu

fylgja við um barnið trívist og boða frá beinanvegin, um illgruni er til mistrivnað.

 

AKT toymið: (atferð, kontakt, trivnaður)

Høvuðsábyrgd at arbeiða við málum, sum hava við atferð og trivnað at gera.

Fastur partur av trivnaðarmálum.

Ráðgevur leiðslu og starvsfeløgum

 

SSP: (skúli, sosialir miðlar og politi)

Ger fyribyrgjandi arbeiði fyri at menna hugburðin hjá øllum børnum og ungum.

Arbeiðir fyri at  menna førleikar hjá næmingunum at  taka rættar avgerðir.

Hevur ábyrgd av spæliliðnum á skúlanum

Skipar fyri vinarbólkum í samráð við foreldur

 

Skipanir, ið stuðla trivnaðinum

Morgunsangur 

Føroyskur dansur

Ítróttadagur

Rennidagur

Jólavika/jólahald

Útferðir

Setursskúli

Summarvika (skemafrí)

Føstulávintshald

Spælilið (Ein bólkur úr 7. f.i skipar fyri spæliliði í 3. fl. eitt fríkorter hvønn fríggjadag.

Felags foreldrafundir

Foreldraviðtalur

Seinasti skúladagur hjá 9. og 10. flokki

Flaggdagshald

 

Onnur tiltøk trivnaðinum at frama

Afturat teimum afturvendandi tiltøkunum í skúlanum arbeiðir skúlin við ymiskum øðrum tiltøkum, sum skapa trivna millum næmingarnar í flokkinum og næmingar tvørtur um flokkar.  

Vinarflokkar – eru við til at f

Spælilið - ein bólkur úr 7. fl. skipar fyri spæliliði í 3. fl. eitt fríkorter hvønn fríggjadag.

Rokniátak - roknivika í des. har rokniverkstøð eru tveir tímar hvønn dag- og kreativu fakini

tveir tímar.

Útiskúli -  vit inndraga mentan, náttúru og nærumhvørvið ein dag um vikuna í byrjunar deildini.

Dansiátak - síðst í des. dansa øll sama dans í sínum flokki í minsta lagi 20 min. hvønn dag. Allir flokkar dansa saman síðst í vikuni ella mánadagin eftir.

Skreiðidagur -  Møguleiki ein góðan kavadag, kann leiðslan boða fráa at allur skúlin hevur skreiðidag. Dagurin endar við onkrum góðum til góman.

OL Í jan./feb. –møguleiki er at hava ítróttardag inni.

Lummalyktakvøld fyri innskúlingna eitt vetrarkvøld.

Søgutúrar: Gongutúrar har lærarar fortelja eitthvørt søguligt á túrunum

Lesiátak - lesa teir fyrstu 30 min. á skúladegnum

Seturskúli, útferðir, evnisdagar o.a.: Tvær vikur í juni skipar flokstoymið fyri øðrvísi undirvísing.

Fyri at hava ein vælvirkandi skúla og børn, sum trívast, er neyðugt at skapa trivna millum lærarar.

 

Trivnaður Lærarar:

Læraraútferð

Filmskvøld

Fyrilestrar kvøld

Jólaborðhald

Jóla- og páskaklipp

Baki/konfekt dag

Úti/arbeiðsdag

 

Happing
Øll, sum vara av skúlanum, eiga í felag at virka fyri einum happingarfríum skúla.
Tað er ein mannarættur at fáa frið og at sleppa at vera tann tú ert.
Eisini er tað ein mannarættur at vera partur av einum størri felagsskapi, bæði fyri at menna seg sjálvan og eisini felagsskapin.

Foreldur og lærarar hava ein týðandi leiklut til tess at fyribyrgja happing.
Tey hava ábyrgd av at tosa við børnini um gongdina í skúlanum og trivnaðin hjá hvørjum einstøkum barni sær.

Samskifti og álit eru lívsneyðug, skal hetta eydnast. Tað er umráðandi, at allir avvarðandi partar virka saman, tí einstaka barninum og harvið øllum, skúlanum – og sjálvum samfelagnum – at frama.

Í okkara skúla hava vit hesa mannagongd, tá trupulleikar viðvíkjandi happing skulu loysast.

Flokslærarin fær fyrst fráboðanina.
Flokslærarin tosar við allar næmingar í flokkinum einsæris. Skúlans leiðsla verður kunnað um málið.
Flokslærarin roynir at loysa málið saman við flokkinum.
Flokslærari, saman við skúlans leiðslu, setir seg í samband við foreldur
Um neyðugt fer skúlans leiðsla, saman við avvarandi myndileikum, víðari við málinum.

Faldari

 

Hvat kunnu næmingarnir gera

Varnast tú, at ein næmingur í  skúlanum verður happaður, er tað umráðandi, at tú ikki letur sum einki, men í staðin ger okkurt fyri at steðga happingini.

Sig tað við ein vaksnan

Tosa við hini, sum ikki eru ein partur av happingini. Ger avtalur um at stuðla hvørjum øðrum í at steðga happingini

Sig frá mótvegis tí, ið happar, og lat teg ikki stýra av bólkatrýsti

 

Hvat kunnu foreldur til eitt happað barn gera

Um tú sært tekin um, at títt barn verður happað, er tað umráðandi, at tú lurtar eftir tínum barni og gevur tí uppmerksemi

Ber skjótt at, tá ið tú hoyrir um happing

Set teg í samband við flokslæraran

Vís tínum barni, at tú stuðlar skúlans arbeiði við trupulleikanum

 

Hvat skulu lærarar og leiðsla gera:

Skúlin skipar fyri trivnaðarkanning millum næmingar skúlans

Tá ið starvsfólk skúlans hava illgruna um happing, skal altíð boðast frá til rætta viðkomandi. Hetta kann verða leiðsla, flokslærari ella AKT-toymið.

Lærarar skúlans skulu kenna innihaldið í trivnaðarætlan skúlans, og virka eftir hesi.

Flokslærarar hava skyldu til at arbeiða virkið við trivnaði í sínum flokki, saman við flokstoyminum og foreldrum floksins.

Leiðslan hevur skyldu at vísa lærarum skúlans á nýggjastu vitanina um trivnað og amboð til at basa happing. Lærarar skulu arbeiða sambært hesi vitan.