Á Giljanesi 2
FO 360 Sandavágur

Tel:

34 44 24

Fart:

79 44 24

 

Lærarastovan á Giljanesi:

34 44 21
Fundarhølið á Giljanesi:
34 44 22

Lærarastovan í Miðvági:
34 44 23
Húsavørðurin:
79 44 20
Teldupostur:
sag@skulin.fo






























admin    

Skúlin á Giljanesi hevur ein leist at ganga eftir fyri at økja um trivnaðin og at fyribyrgja happing.

Hvussu vit fyribyrgja happing og arbeiða, tá ið happing er staðfest, er lýst í faldaranum niðanfyri:

Faldari

Á skúlanum hava vit eisini fleiri fakpersónar og toymi, sum arbeiða við trivnaði. Hesi arbeiða hvønn dag við at økja um trivnaðin á skúlanum og at fyribyrgja happing.

Hesi eru:

Heilsufrøðingurin
Heilsufrøðingurin arbeiðir við at fylgja við heilsuni hjá okkara børnum. Hon ráðgevur eisini, tá ið tað kemur til eitthvørt, ið hevur við heilsuna at gera. Tá ið børnini eru kedd ella hava verið útfyri einumhvørjum, fara tey ofta til heilsufrøðingin til eitt prát.

AKT-toymið
Okkara AKT-toymi hevur høvuðsábyrgdina av at arbeiða við málum, sum hava við atferð og trivnað at gera. Tá ið eitthvørt trivnaðarmál tekur seg upp, er AKT-toymið altíð ein fastur partur av arbeiðnum. 

Flokslærarin
Flokslærarin hevur ábyrgdina av trivnaðinum í sínum flokki. Á regluligum toymisfundum viðger flokslærarin trivnaðin saman við hinum lærarunum í flokstoyminum. Flokslærarin stendur eisini fyri samskiftinum millum heimið og skúlan.

Førleikastovan
Tá ið næmingur ikki fær tað burturúr fakliga, sum hann skal, ella hevur trupulleikar við at klára sosiala lívið í flokkinum, kemur førleikastovan inn í myndina. Førleikastovan stendur fyri allari serundirvísing á skúlanum. Hon hevur eisini samband við Sernám í Havn, sum veitir kanningar og sernámsfrøðiliga ráðgeving. At førleikastovuni eru knýttir serlærarar, orðblindalærari og roknivegleiðarar. 

Leiðsla skúlans
Leiðsla skúlans fylgir við og ráðgevur, tá ið mál taka seg upp. Leiðslan syrgir eisini fyri at samskipa arbeiðið millum ymisku partarnar í trivnaðarætlanini.


Barnaverndartænastan
Barnaverndartænastan er ikki beinleiðis partur av skúlanum. Hóast tað, hevur skúlin tætt samstarv við barnaverndartænastuna um at tryggja okkara børnum ein so tryggan og góðan uppvøkstur sum gjørligt. Tá ið skúlin hevur illgruna til, at børn ikki trívast heima ella illgruna til vanrøkt, hevur skúlin skerpaða skyldu at boða barnaverndini frá hesum. Barnaverndin kann so við ymiskum átøkum tryggja, at alt verður gjørt fyri, at børnini koma at trívast aftur.