5.11.2021 |
2 barnalesiringar á Giljanesi
Lesiringarnir hava nú fingið navn
Hósdagin 28. oktobur byrjaði barnalesiringurin á Giljanesi aftur.
Tað vóru nógv børn, sum møttu. So nógv, at vit valdu at býta tey í tveir lesiringar.
Tá tey vóru býtt í tvey, skuldi navn finnast til hvønn lesiring.
Genturnar í fyrsta bólkinum vóru ikki í iva um, hvussu hann skuldu eita. Tær valdu navnið “Tær kulu genturnar”.
Næsti bólkurin var eitt sindur ivasamur.
Genturnar vildu eita "Harra Svampebob" og dreingirnir, sum eru Harry Potter fjepparar, vildu eita “The order of the phenix”.
Men til síðst vóru tey samd um at eita ‘The order of pizza"
"Tær kulu genturnar" og "The order of pizza" hittast aftur á bókasavninum 25. novembur.