28.10.2021 |
Listaleypurin á vitjan
Í dag hevði 1. - 6. fl. vitjan av Listaleypinum.
Tað var danski bólkurin "Heartbeat", sum framførdi.
Teir tríggir tónleikararnir vóru fullir av spæligleði og bergtóku ungu áhoyrararnir við rytmum, sangi og sjónleiki.
Hetta var ein øðrvísi konsertuppliving, har ljóðførini m.a. vóru ruskspannir, kustar, tunnir og kipsdósir. Næmingarnir vóru við til rytmuspøl og sang og hugnaðu sær óført.