7.5.2021 |
SkúlaFM í talvi
Eitt av okkara liðum vann undankapping
Hesa vikuni hevur Skúlin á Giljanesi verið vertur fyri undankappingum í SkúlaFM í talvi.
Í gjár telvaðu 20 lið, omanfyri 120 børn í 3. og 4. fl.
Í dag telvaðu 22 lið frá 5. fl. og eldri, so tilsamans hava fleiri enn 250 børn telvað á Giljanesi hesa dagarnar.
Vit høvdu 4 lið við í gjár og 3 lið í dag.
Úrslitini vóru góð, nøkur lið vóru heilt nær við at vinna sær finalupláss, men gjørdust akkurát ov stutt.
Elsta liðið hjá okkum vann undankappingina í dag og eru tí klárir at kappast um FM heitið um slakar tvær vikur.
Vit ynskja teimum hjartaliga til lukku og góða eydnu:-)