1.5.2020 |
Kunning til foreldur í 1. - 4. flokki
Komandi vikan
4. flokkur fer aftur í skúla mánadagin 4. mai. Flokkurin fer at halda til í niðaru hædd í nýggja skúlanum á Giljanesi.
Skúlin hevur aftur tillagað tímatalvurnar hjá 1. – 5. flokki.
Tímatalvurnar verða lagdar á floksheimasíðurnar í vikuskiftinum.
Tilmælini eru enn, at frástøðan skal yvirhaldast, og tí er hvør flokkur býttur sundur í tríggjar bólkar. Bólkarnir hava hvør sína stovu og reinførið við sápu og spritting skal enn haldast. Sápa, spritt og pappírhandklæði eru í flokstovunum.
Tilmælið frá Undirvísingarstýrinum er, at allir næmingar í 1. - 4. fl. helst skulu møta í skúla.
Í teimum førum, har serligar umstøður gera seg galdandi hjá næmingum ella avvarðandi, skal skúlin fáa fráboðan frá foreldrunum.
Boð frá skúlabussinum:
Orsakað av tilmælinum um frástøðu, er avmarkað pláss í bussinum. Tí sleppa bara tey børn við, sum vanliga koyra við bussinum. Tey, ið ætla sær at koyra við, skulu senda Niels Joensen eini sms boð á tel. 219899. Eisini tey, ið áður hava boðað frá.
Boð frá Frítíðarskúlanum:
Foreldur skulu boða frítíðarskúlanum frá, um teirra barn kemur ella ikki komandi vikurnar. Boðini skulu sendast á smilikullan@vaga.fo