12.3.2020 |
Kunning frá leiðslu skúlans
Eftir tilmæli frá landsstýrinum, er avgjørt, at allir næmingar í fólkaskúlanum skulu vera heima við hús skjótast til ber og í seinasta lagi frá mánadegnum 16. mars 2020.
Í morgin verða starvsfólk til arbeiðis í skúlanum á Giljanesi. Vit mæla tó til, at foreldur hava børnini heima í morgin.
Meðan skúlin er stongdur, arbeiða starvsfólk skúlans heimanífrá, tað gera næmingarnir eisini, í tann mun tað letur seg gera.
Tí skulu øll fylgja við á flokssíðunum, har koma boð um arbeiðsuppgávur, heimauppgávur og onnur kunning. Vit heita á tykkum foreldur um at hjálpa børnunum við skúlatingum heima, eins og at tit seta eina løtu av hvønn dag til skúlating.
Skúlin verður opin í dag til kl. 16.00 og í morgin frá kl. 8.00 til 13.00, um tit mangla bøkur og annað tilfar, ber til at heinta hetta í hesum tíðarskeiði.
Tit eru vælkomin at ringja til flokslærararnar um tørvur er á tí.
Samstundis vilja vit eisini heita á tykkum um at kunna flokslæraran, um so er, at onkur í tykkara húski gerst sjúkur av Covid-19, so vit fáa fyrihildið okkum til hetta, um tað gerst neyðugt.
Kunning komandi tíðina verður umvegis heimasíðu skúlans á sag.fo, facebook-síðu skúlans og flokssíðuni hjá tykkara barni.
Vinarliga
Annbritt Toftegaard
Skúlastjóri