30.1.2020 |
Holocoastdagur
Fríggjadagin 31. januar
Í morgin, fríggjadagin 31. januar frá kl. 09.00 - 10.30 fara Nám og Amesty International Føroyar, at bjóða næmingum í 7. - 10. flokki fyrilestur um Holocaust og fólkadráp.
Hádeildin úr Sørvágs skúla og Skúlanum við Streymin koma eisini at lurta.
Orsøkin er, at liðin eru 75 ár síðan týningarlegurnar Auschwitz-Birkenau vórðu fríaðar, og í ár er fyrstu ferð at altjóða dagur til minnis um Holocaust var hildin í Føroyum 27. januar.
Innihaldið er fyrst fyrilestur við Rólandi og Elsu í Skorini, sum bæði fara at tosa um Holocaust. Í seinnu hálvu fer Heini í Skorini at tosa um fólkadráp í nýggjari tíð og um mannarættindi.
Vístir verða tríggir nýggir føroyskir stuttfilmar, sum Nám hevur gjørt um Holocaust á temasiðuni á undirvísingarportalinum Snar. Filmarnir verða frumsýndir í sambandi við hetta tiltak.