19.3.2019 |
Elin Sólvør á Løgmansbø vann
Elin Sólvør á Løgmansbø vann kappingina at skriva ein útvarpsdokumentar við heitinum “Alopecia”.
Kringvarp Føroya skipaði í fjør heyst fyri eini kapping at skriva ein stuttdokumentar. Sjey stuttdokumentarar komu inn, og allir vóru at hoyra í útvarpsbiografinum.
Elin Sólvør á Løgmansbø vann fyrsta plássið
Í grundgevingunum fyri at lata Elini Sólvør á Løgmansbø 1. plássið fyri dokumentarin “Alopecia” sigur dómsnevndin m.a.:
“Søgan er løtt og greið, bæði soleiðis sum hon er fortald, men eisini brúk av ljóði og tónleiki, ið undirbyggir søguna væl. Hetta gevur søguni eitt lag afturat , ið er við til at skapa eina gjøgnumførda lurtarauppliving.”
Eisini sigur dómsnevndin, at “søgan “Alopecia” er fortald sera erligt og við sansi fyri smálutum”.
Fyrsta virðisløn var 12.000 krónur.
*Tekstur og mynd av heimasíðu Kringvarpsins.